ബന്യാമും ശ്രീവിദ്യയും പിന്നെ ഞാനും : - കഥ

ബന്യാമും ശ്രീവിദ്യയും പിന്നെ ഞാനും : കഥ

ഒരു തലവേദനയ്ക്കിടയില്‍ പനഡോളിന്‍റെ അവസാന വീര്യം ഒലിച്ചിറങ്ങുമ്പോഴാണ്
അമ്മൂമ്മയുടെ മരണം ഒരു ഫോണ്‍ വിളിയായ് കരഞ്ഞു തീര്‍ത്തത്. പോകണമൊ വേണ്ടയൊ എന്ന് ഭാര്യയുമായ് ആലോചിച്ച് ഉറക്കത്തിനിടയില്‍ ഭാര്യയെ കെട്ടിപ്പിടിച്ചു കിടക്കുന്നതിനിടയില്‍ അയാള്‍ തീരുമാനിച്ചു. വേണ്ട അതു വരെ പോയിവരുന്ന ചിലവു ഓര്‍ക്കുമ്പോള്‍ മാസവാടകയ്ക്ക് വരുന്ന കാട്ടറബിയുടെ ഉഷ്ണിച്ച തലപ്പാവ് തെളിഞ്ഞു വന്നു.

മയക്കത്തിനിടയില്‍ വീണ്ടും ഒരു കുഞ്ഞുമീനിന്‍റെ കരച്ചില്‍. അയലത്തെ കുമാരേട്ടന്‍റെ ഭാര്യ എടുത്തിട്ട പഴം ചക്ക പോലെ വീണു പോയിരിക്കുന്നു. ഇനി അവരില്ല. ഏട്ടന്‍റെ ശംബ്ദത്തിന്‍ ആദ്യം വിളിച്ചപ്പോഴുണ്ടായ ദു:ഖത്തേക്കാളേറെ ദു:ഖം മുണ്ടോന്ന് അയാള്‍ സംശയിച്ചു.
കുമാരേട്ടന്‍റെ ഭാര്യ അവരുടെ ചിരി തന്നെ ഒരു ഒന്ന് ഒന്നര ചിരി ആയിരിന്നു. അമ്മയുടെ കൂടെ കുളിക്കാന്‍ കുളത്തില്‍ കുളിക്കാന്‍ പോയ കാലത്ത് എത്രയോ തവണ അവരെ ഈറനോടെ കണ്ടിരിക്കുന്നു. അയാള്‍ ഉറക്കം വരാതെ ചത്ത മീനിനെ കയ്യില്‍ വച്ച് ഒരോ ഇരിപ്പു തന്നെ ഇരിന്നു.
പിന്നെ എഴുന്നേറ്റ് ഡ്രസ്സ് ചെയ്തു തുടങ്ങി. അയാളുടെ മനസ്സിലപ്പോള്‍ കുമാരേട്ടന്‍റെ ഭാര്യ മാത്രമായിരുന്നു. പല്ലു കൊഴിഞ്ഞ അമ്മൂമ്മ അപ്പോള്‍ മണ്ണോട് ചേരാന്‍ കാത്തു നില്‍ക്കുന്നത് അയാള്‍ ഓര്‍ത്തതേയില്ല.